نبني الطريقة الجاية للدراسة بالعراق
علمني انولد من مشكلة يعرفها كل طالب عراقي: الخصوصي غالي، وقته محدود، وما يگدر يكون وياك ليلة الامتحان. فبنينا مدرّس يعرف المنهج العراقي صفحة صفحة، يعرف شنو يجي بالوزاري، ويتذكر وين غلطت.
شنو علمني
علمني تطبيق عراقي على Android وآيفون، للطلاب من الأول المتوسط لحد السادس الإعدادي، علمي وأدبي. يشرح من كتب وزارة التربية نفسها، يحل الأسئلة والأوراق من صورة، يختبر الطالب على المادة الداخلة بامتحانه، ويحفظ غلطاته لين يصلحها.
وللثالث المتوسط والسادس الإعدادي، يجمع الأسئلة الوزارية اللي رجعت بسنتين أو أكثر، مرتبة حسب الفصل ومن الأكثر تكرار. الأسئلة الوزارية المكررة
نشتغل بهدوء وعلى المدى الطويل. كل ميزة نطلعها لازم تفيد طالب يتحضر لامتحان حقيقي، ولازم تشتغل صح.
شنو نلتزم بيه
المنهج أولاً
الشرح والاختبارات من كتب وزارة التربية نفسها، ومن الأسئلة الوزارية الحقيقية.
دليل، مو وعود
ما نوعدك بدرجة. نعطيك اختبارات، وتصحيح، وغلطاتك قدامك. الدراسة عليك، والباقي علينا.
الجودة قبل الكثرة
نفضّل ميزة وحدة تشتغل صح على عشر ميزات نص نص.
جرّب علمني على أول درس
التطبيق مجاني على Android وآيفون.
عندك حساب؟ علمني الذهبي يفتحلك حلول الوزاري، وتصوير الورقة كاملة، وبدون حد يومي.