مدرّسك الخصوصي، يشرح من نفس كتابك
علمني يعرف المنهج العراقي صفحة صفحة. تسأله بأي ساعة، يشرحلك من صفحات كتابك وبنفس رسوماته، ويگلك شنو الخطوة الجاية.
اختار شنو تحتاج، بضغطة
بالرئيسية تختار المادة وشنو تريد: اشرح، لخّص، حل أسئلة، اختبار، مراجعة سريعة، أو وزاريات.
تأشّر على الفصل أو المواضيع من فهرس كتابك، ويا أرقام صفحاتها، وعلمني يبدأ منها. ما تحتاج تعرف شلون تكتب السؤال.
شرح من صفحات كتابك، وبرسوماته
الشرح مبني على نفس الكتاب اللي تدرس منه: نفس المصطلحات ونفس الترتيب، ويعرضلك رسمة الكتاب وهو يشرحها، ويا رقم الصفحة حتى ترجعلها.
ما فهمت نقطة؟ اسأله عنها بكلامك. تكتب، تصوّر السؤال من الكتاب أو الملزمة، أو تحچي بصوتك (الصوت بالذهبي).
بعد كل شرح، تعرف شنو الجاي
بنهاية الشرح يطلعلك ملخص قصير للحفظ، وأزرار للخطوة الجاية: جرّب سؤال على اللي درسته، شوف وزارياته، أو كمّل موضوع ثاني.
وإذا عندك امتحان قريب، علمني يعرف موعده والمادة الداخلة بيه، ويقترح عليك الخطوة اللي تفيدك قبله. شلون تضيف امتحاناتك
المواد اللي يشرحها علمني
من كتب وزارة التربية العراقية نفسها، حسب صفك وفرعك:
- الأول المتوسط
- الاجتماعيات، الاحياء، التربية الاخلاقية، الحاسوب، الرياضيات، الفيزياء، الكيمياء، اللغة العربية
- الثاني المتوسط
- الاجتماعيات، الاحياء، التربية الاخلاقية، الحاسوب، الرياضيات، الفيزياء، الكيمياء، اللغة العربية
- الثالث المتوسط
- الاجتماعيات، الاحياء، الرياضيات، الفيزياء، الكيمياء، اللغة العربية
- الرابع الإعدادي الأدبي
- اسس الجغرافية، التاريخ، الحاسوب، الرياضيات، اللغة العربية، علم الاجتماع
- الرابع الإعدادي العلمي
- الاحياء، الحاسوب، الرياضيات، الفيزياء، الكيمياء، اللغة العربية
- الخامس الإعدادي الأدبي
- الاقتصاد، التاريخ، الجغرافية، الحاسوب، الرياضيات، الفلسفة وعلم النفس، اللغة العربية
- الخامس الإعدادي العلمي
- الاحياء، الحاسوب، الرياضيات، الفيزياء، الكيمياء، اللغة العربية
- السادس الإعدادي الأدبي
- الاقتصاد، التاريخ، الجغرافية، الرياضيات، اللغة العربية
- السادس الإعدادي العلمي
- الاحياء، الرياضيات، الفيزياء، الكيمياء، اللغة العربية
شنو ما يسويه علمني
ما يدرس بدالك، وما نوعدك بدرجة. يشرحلك، يختبرك، ويحط غلطاتك قدامك لين تصلحها. الدراسة عليك، والباقي علينا.
جرّب علمني على أول درس
التطبيق مجاني على Android وآيفون.
عندك حساب؟ علمني الذهبي يفتحلك حلول الوزاري، وتصوير الورقة كاملة، وبدون حد يومي.